Bertsolariak

Bertsolaririk, ez; baina bertso-saioak, bai. Frontoian eta Antzoki zineman (lehenago, Zine barrija) egiten ziren. 1985 izango zen. Apirilaren 27an bertso-saioa izan zen Santi Brouard kirol etxean. Sekula halakorik! 22 bertsolariren izenak ageri ziren kartelean: ospetsuak, ospetsu-bidean zeudenak eta txantxa eta barrea eragitekoak (zeuek erabaki nor den nor). Mañukorta eta Lazkao Txiki falta ziren, baina karteleko zerrenda mundiala da.

Egingo genuke... Ematen digu kartel hori Zuluan ondu zela, eta pentsatzen dugu ez gabiltzala egiatik urrun. Bertsotan ez genuen jakingo, baina nork ukatu dezake bertsolari trebe giñela: (h)umorea ez zitzaigun falta, ez horixe!