Zer Esana 5
2001eko uztaila
Galdera ederra Zer Esana honetako editorialean: guk momentuz badaukagu lekua geure gazte espresiori oinarri fisiko bat emoten asko laguntzen deutsona; ze pasako da beste gazte espresio barriekin?
2025ean badaukagu erantzuna: zero patatero, autogestiotik begiratuta behintzat ―gazteek, ez lehengoek ezta oraingoek; etorkizunekoek ere ez, jakina― ez dituzte maite udal langileek kudeatu eta gaueko 9etan zarratzen diren guenak.
Herritarren esanetan atalean ere badira galderak. Erantzunetan kanpotarrek eragindako agobijjua mentatzen da. Beste galdera bat: Lekeitiotik Bilborako bideak kenduko balituzte, nork sufrituko luke gehiago: kanpotarrek, edo lekittarrok?
Euskal gazte mugimenduaren bilakaera. Ez da gida bat baina izan zitekeen euskal gazte mugimenduen sigla saltsan zer edo zer ulertzeko. Eta, harrezkero, sigla kopurua hazi egin da. Bide batez, IAM ahaztu zuten. Baditugu 70eko amaiera partean Lekeitioko IAMekoek eztabaidagai izandako dokumentu batzuk. Hurrengoan jarriko ditugu.
Euskara ere berriro da mintzagai: Bai euskarari, XXI. mendeko akordioa. Ordutik, beste hainbat akordio, konpromiso, hitzarmen, mobilizazio, ekimen... 24 urte geroago, Euskaraldia dugu uneko ekimen-hitzarmen-mobilizazio, eta horrela hurrengo ekimen-hitzarmen-konpromiso-mobilizaziora arte: Jose Muguruza, zertan geratu da oso plan serio hura?
Bere hizkuntzaren alde korrika egiten duen herriak ―hemen edo Shanghain― horixe baino ez du egiten: korrika.
Eta beste kontu batzuk.
iruzkinik ez:
Argitaratu iruzkina