Zer Esana 1

2000ko uztaila

Zer Esanakoek martxoan kaleratu zuten beren aldizkariaren zero zenbakia, eta jarraipena iragarri. Bada, emandako berba bete zuten: uztailean esku artean izan genuen Zer esanaren 1 zenbakia. 

 

Aldizkaria ikusi eta jaisteko, egin klik hemen: Zer Esana 1, 2000ko uztaila

 

Azalean jartzen zuen zer zetorren barruan. Hasteko, etxebizitzaren arazoa: 2000 arduratuta zeuden, lehenago ere bai, eta gaur egun ere arazoari inork ez dio konponbidea aurkitu, edo horren ardura dutenek ez dute konpondu nahi. Hor ditugu prailekietako eta Beitiako etxeak: zein lekeitiarrentzat ote?

Aurtengo apirileko datu batzuk

Zer pasatzen da Lizarra-Garazin? ere galdetzen zen. Barruan, ekarpen bi: Lekittoko Lizarra-Garazirena bat, eta Elkarriren Lekittoko Tailerrarena
bestea. Hotzikara ematen du irakurtze hutsak. Ez genekien Loiolan gauza bera gertatuko zitzaigula. 2011an, berriz, heldu ginen, antza. 

Presoen gaia ere lantzen da. Rubixuaren amari ―burua altzatuko balu― egiten zaio elkarrizketa. 2025ean, presoak Euskal Herrian daude, baina ez etxean. Ematen du inor gutxiri zaizkiola ardura, eta Rubixua zorotzat izan dugu luzaroan herrian.

Eta, 0 zenbakiko aldarria berriro errepikatzen da 1 zenbaki honetan: gazteentzat gaztetxea. Munduko gaztetxerik onena kendu zigutenik errepikatzen den aldarria, belaunaldiz belaunaldi oihukatu den aldarria. Gure zoritxarra? Bada, aurreko belaunaldiak ukatu izan diola hurrengoari gaztetxea. 1990ekoek ez zuten entzun 2000koen oihua, eta, modu berean, 2000koak ez-entzunarena egin zuten 2014koen aurrean. Ba da 2025ean aldarririk, edo, dagoeneko, denok ote gara gor eta mutu?