SUSTRAIA 18

1980ko urtarrila (2)

Sustraia 18an, galdera ezkutu bat ageri da: Nola gelditzen dira Antinuklear taldearen eta HK-ren arteko harremanak? Eta jarraian erantzuna: Chi lo sa ! Bada, Antinuklearren eta HK-ren arteko harremanak, hobeto esanda HASI alderdiarekin zituzten harremanak okertu eta okertu egin ziren. Handik bi-hiru urtera erabat lehertu ziren Gizarte etxean egin zen zorigaiztoko entzerrona (hala esaten genien orduan itxialdiei) batean: HASIkoek kristorenak eta bi esan zizkieten antinuklearrei eta HASIren lerroetara makurtzen ez zen edonori. Eta halaxe.

 

Sabiñok ez zion Natxiri oharlibururik erosi, okerrago: Natxik berak eskaini zion bat Sabiñori.

 

Txori batek esan digu drogei buruzko artikulu saila Josetxu Llerandik idatzi zuela.

 

Eta Berraondoren ohiko artikulua erabat nahastuta agertu zen: batek daki zenbatek berregin eta irakurri zuten. Badaezpada ere neurriak hartu ditugu arazo barik irakurri dezazuen orain.

 

Emakumeek beren arazoak  azaleratzen segitu zuten, eta Silloniz Txirrindulari elkarteak neskak taldera batzeko eskatu zuenean Elena Salinas eta Bakarne Amutxategi agertu ziren bizikleta gainean. Imajinatu nahi ditugu zikloturisten tropel buruan, Munitibarretik bueltan, atzekoak arnasestuka zituztela.

 Aldizkaria ikusi eta jaisteko, egin klik hemen: Sustraia 18 kaleratutakoa

 

Aldizkaria ikusi eta jaisteko, egin klik hemen: Sustraia 18 originaletatik

 

 

SUSTRAIA 17

1980ko urtarrila (1)

Sustraia 17a 1980ko urtarrilean kaleratu zen. Urteko balantze batzuk ageri ziren. 1979, urterik feministena Lekeition artikuluan  emakumeek 1979an gauzatutakoak aldarrikatzen zituzten, harro. Potxuak taldeak ibilitako bidea zabaldu eta zabaldu joan da, gaur arte. 

Noiz arte? galdetzen zuten Amnistiaren aldekoek. Inork ez zekien zein luze joango zen ―eta doan― kontua.

 

Plaza bazterreko pilara zatia bota zutenekoa ere ageri da. Gaur egun nekez gertatu daiteke halakorik, baina, orduan, parte hartan, autoek aparkatzen zuten.

 

Egunerokoa egiten zuenak agenda berria eskatu zion ―gogoratu, Gabonak ziren― Sabinori. ez dakigu lortu zuen, baina guk oraintsu jakin dugu egile hori Jose Antonio Aranburu Natxi zela.

Drogak, Azkue zinekluba, Manuel Endeiza, umeen sormen lanak...

 

Disfrutatu

 Aldizkaria ikusi eta jaisteko, egin klik hemen: Sustraia 17 kaleratutakoa

 

Aldizkaria ikusi eta jaisteko, egin klik hemen: Sustraia 17 originaletatik

 

 

LEKEITIOKO EUSKAL ROCK GAUA

Lekeitioko Euskal Rock Gaua dozenerdi kontzertu izan ziren aldiko, lau makrokontzertu, makrokontzertuak zer ziren ere ez genekien sasoian, eta Mendexako Karraspion egin zen Lekeitioko Euskal Rock Gaua haietan milaka pertsona batu ziren hondartzan. 

Ekitaldi haiek antolatzeko okurrentzia Angeloren eta Enrike Lauzirikaren burutik atera zen, eta Gaztediko musika batzordeak antolatu zituen. Lau urtetan egin zen, 1977tik 1980ra. Jende piloa behar zen egunean bertan eta herriko talde ia guztiek hartu zuten parte: kirolekoak, kulturakoak, Antinuklearrek, Amnistiaren aldekoak, Euskal Herrian Euskaraz-ek... Eta bildutako dirua herriko hainbat erakunderen artean banatzen zen.

 

Euskal Herri osoan egin zen ospetsu

1977

 1978

 

 

 

 

 

 1979

 

 1980

 

 

Eta beste material batzuk

 

 

 

 Muskaria aldizkarian ere agertu zen, baina ez dugu lortu aldizkaria

 

 

Batek daki kartelik geratzen den, guk 1980koaren zati bi aurkitu ditugu paper artean

 

 

 

 

 

 

SUSTRAIA 16

Sustraia 16 honetakoak ikusita eta irakurrita, bat baino gehiago harritu egingo da, betiere 50 urte baino gutxiago baditu. Bilbon BBK Live-rik eta halako jaialdi erraldoirik egiten ez zenean, Lekeition ―edo, hobeto esateko Mendexan, ze Karraspio Mendexa da― musika jaialdi izugarria izaten zen: Lekeitioko Euskal Rock Gaua.

 

Arrantzaren arazoak ere sasoi hartan hasi ziren hainbat estatuk (frantzes kabroi ahalenak!) 200 milaraino zabaldu zutenean beren eragin-esparrua itsasoa. 

 

Sormen sail sendoa, eta beste hainbat gauza.

 Aldizkaria ikusi eta jaisteko, egin klik hemen: Sustraia 16 kaleratutakoa

 

Aldizkaria ikusi eta jaisteko, egin klik hemen: Sustraia 16 originaletatik

 

SUSTRAIA 15

Sustraia 15a 1979ko Sanantolinen gainekoa da oso-osorik.

 

Nagusiei, lehen aldiz, omenaldia egin zitzaien eta bazkaria egin zuten batzokiko erretegian. Oso pozik amaitu zuten, pozik-en zentzurik zabalenean.

Jaietako komisioak, balorazioan, pozgarritzat jo zuen ohitura zaharrari eustea eta antzarrak bizirik eskegitzea. 3 urte geroago herritarren talde batek antzarrak hilda zintzilikatzea aldarrikatu zuen. Folloia. Gaur egun, pentsaezina dugu hori. Gora Antzartek!

 Aldizkaria ikusi eta jaisteko, egin klik hemen: Sustraia 15 kaleratutakoa

 

Aldizkaria ikusi eta jaisteko, egin klik hemen: Sustraia 15 originaletatik

Baina, 1979 urrun hartan gertatu zen zerbait herri honen historian nabarmendu beharrekoa ―eta Sustraiako menbrillo haiek ez zuten ikusi, antza―: emakumeen oldarraldia. 

Jaien aurretik, antzarren aurreko batzarrera agertu ziren eta jakinarazi  zuten Antzar egunean parte hartuko zutela, gizonezkoak nahi zein nahi ez. Hilaren batean, Potxuak txarangarekin agertu ziren, Antzarretan antzarraren bila joan ziren beren ontzian eta jotasu ibili ziren egun guztietan. Gaur arte.

Sustraian aipamen soil bat dago:

 

Eskerrak dakigun zer tradizio apurtu zuten!

Jarraituko dugu honen gainean, baina haur perla bi:

Errefuxiatuen aldeko aldarrian, Giscard-en kontra

 

Lekeitioko Lehen Herri Maratoia egin zen

 

 

Julian Arrate Raul Galaneri beteranoen saria ematen

 

Eta Kuadrilla eguneko argazki batzuk:

 

 

 

 

 

 

 

 

 

Urte luzetan Espainiako Txirrindularitza Itzulian mediku ibili ostean, Donisidro omendu zen Silloniz txirrindularitza elkarteak antolatuta lasterketa baten bidez

 

 

Eskuliburua ikusi eta jaisteko, egin klik hemen: Isidro Salinasen omenaldia

 

 

SUSTRAIA 14

Sustraia 9 eta 9 bis atera ziren, batek daki zergatik. Eta Sustraia 13rik ez zen kaleratu. 13 zenbakia zoritxarrekoa delako-edo? Kontua da 12tik 14ra egin zutela salto.

 

Herriko problematika lantzen da, eta argi ikusten da zein indartsu zen Lekeition mugimendu ekologista: nuklearren arazoa ―Euskal Herri osokoa― eta Alfa irin fabrika eta herri barruko gasolindegiak. Zorionez, ez zuten zentral nuklearrik jaso Euskal Herrian ―Lemoizekoak ez zuen sekula uraniorik jaso―, Alfa behin betiko itxi zuten eta hats hura ez zen berriro zabaldu herrian eta dagoeneko ez dugu gasolindegirik herri barruan. 

 

 

 

Lekeitioko Kale Antzerki jaialdiaren sustraiak ere ageri dira zenbaki honetan: Txiruliruli.

 

 Aldizkaria ikusi eta jaisteko, egin klik hemen: Sustraia 14 kaleratutakoa

 

Aldizkaria ikusi eta jaisteko, egin klik hemen: Sustraia 14 originaletatik

 

 

SUSTRAIA 12

 

 

Aldizkaria ikusi eta jaisteko, egin klik hemen: Sustraia 12, kaleratutakoa

 

 

Aldizkaria ikusi eta jaisteko, egin klik hemen: Sustraia 12, originaletatik

 

Sustraia 12 honetan Gorka Sierragaz dago elkarrizketa bat. hara zer atera dugun bertatik

 

Ekartzen dizue gogora ezer? Aspaldion hika-mika handia izan da herrian musika kontuak direla-eta. Gogoratu. 

 

 

 

 

 

 

 

SUSTRAIA 11

Guk daukagun Sustraia 11k ―jatorrizko grapa ugertu eta guzti― begira ematen du: azalean ez dakar Sustraia. Baina irakurtzen hasita, hara non agertzen den ohiko izenburudun orrialdea barruan, azken aurreko tokian hain zuen. Azkena lehenen eta lehena azken. Akats bat muntatzeko unean.

 

Kontua da, Sustraien peskizan, beste ale bi eskuratu ditugula, eta, sorpresa, biak daude gurea bezala grapatuta. Akats larregitxo.

Orduan, beste teoria bat eraiki dugu: orriak nahita trukatu zirela. Hala izan ote zen? Ez dakigu. Guri teoria plausiblea begitantzen zaigu benetako azala ikusita... sasi guztien gainetik eta hodei guztien azpitik ematen du aldaketak. 

 

Gladys del Estal 1977ko ekainaren 3an hil zuen Guardia Civil-ak, tiro bat emanda Tuteran, nuklearren kontrako manifestazio baketsu batean. Manifestazioak eta kontzentrazioak baketsuak izaten ziren harik eta Guardia Civilak edo grisak agertu arte ―orain ere antzera izaten da―. 

   

Itxura batean, norbaiti ez zitzaion gustatu hain azal esplizitua.

 

 

Aldizkaria ikusi eta jaisteko, egin klik hemen: Sustraia 11, kaleratu zen moduan

 

 

Aldizkaria ikusi eta jaisteko, egin klik hemen: Sustraia 11, kaleratu behar zen moduan

 

Aldizkaria ikusi eta jaisteko, egin klik hemen: Sustraia 11, originaletatik

 

 

 

SUSTRAIA 10

Irakur ezazue Edozein marginaturen edozein egun. 48 urte ditu artikuluak, eta ezer gutxi aldatu dira gauzak denbora tarte horretan.

 

Aldizkaria ikusi eta jaisteko, egin klik hemen: Sustraia 10, kaleratutakoa

 

 

 

 

Aldizkaria ikusi eta jaisteko, egin klik hemen: Sustraia 10, originaletatik

 

 

SUSTRAIA 9 bis

Bada Sustraia bat zenbaki gabekoa. Besteena atalak alderatu behar izan ditugu gainerakoen hurrenkeran zer leku zuen jakiteko: 9.aren eta 10.aren artean, 9 bis beraz. Arrazoia batek daki. Beharbada nola zenbatzen den ahaztu zuten hilero izateko asmoa ez betetzean.

 

Egia esateko, ez dakigu zer hartuta ibiliko ziren ―soso samarrak ziren izan ere―. Ez zuten, bada, sexu kontsultak izeneko atal bat sartu aldizkarian! Bromatzak hartu beharko dugu, ze bestela...

 

 Aldizkaria ikusi eta jaisteko, egin klik hemen: Sustraia 9 bis, kaleratutakoa

 

Aldizkaria ikusi eta jaisteko, egin klik hemen: Sustraia 9 bis, originaletatik

 

 

SUSTRAIA 9

Sustraia 9aren azala urte bateko ibilaldiaren isla izan zen: aurreko 8 zenbakien azalak denak batera. Eta barruan, urte osoan landutakoen pastel eder bat euren berbetan.

 

Horrez gain, Mikel Zarateren kolaborazio bat, Tetxuk sinatutako artikulu bat alkoholaren arriskuen gainekoa ―sasoi hartan, talde antialkoholikoak indar handia zuen― 

 

Alkoholak ez du inor askatzen baizik eta lotzen

Eskolapean, monjen horman, gaiak bere lekua ―murala― zuen, beti lez lerdoren batek gainean idatzita.

 

Eta ikusteko denetik zegoela aldizkarian, eta ez bakarrik nuklearren kontrako borroka, Sendotzaren ―orduan, konfirmazioa esaten genion― gaineko artikulua. Ez dago esan beharrik nork idatzitakoa izango den

Interesantea, arrantzaleek Venezuelan izandako esperientziaren kontaketa.

 

 

 
 

 Aldizkaria ikusi eta jaisteko, egin klik hemen: Sustraia 9, kaleratutakoa

 

Sustraia 9aren originalak orrialdeak ditu faltan. Osatutakoan jarriko dugu.

 

 

 

 

SUSTRAIA 8

Indartsu agertu zen Sustraia 8a, sustraitzen zegoen seinale. Etorkinei elkarrizketa, etxebizitzaren arazoa ―etxe hutsen gai errekurrentea, eta harrezkero 47 urte joan dira; hutsean, antza―, publizitatea, gazteria, euskara batua, alfabetatzea...

 

Eta Besteena atalean, La Voz de Españakoa? Leiru, leiru

 

 

Zutabe osoa irakurri nahi duenak hemen dauka, bigarren orrialdean. pentsa eta esan. Lotsarik tantarik ere ez.

Etxebizitzen atalean argazki batzuk daude

Ea dakizuen non zegoen ezkerreko hori. Eskumako goikoa ―ikusi egin behar zen harrizko zelako etxea bota zuten― Gamarra plazan daukagu; beste, Eskolapean.

 

Kirol komisiokoek parkean egiten hari ziren etxola triste hura zertarako zen azaldu behar izan zuten: aldagelak ziren eta ez, txutxumutxuek ziotenez, narrutan egiteko leku bat. Takok eta Gorrik jaso zuten, eta plazapeko aldagelak egin zirenean eraitsi zen.

Artikulu batzuk ageri dira sinatuta: gazteriarena Poto-k sinatzen du eta hori Pototo da; Bizi gaitezen bakean, A.E.-k, eta tonua ikusita A.E. hori, bistan da, Aitor Etxebarria da, eta sara, berriz, ez dakigu nor den.  

Bizi gaitezen bakean artikuluaren gaiari buruz aipamen bi daude aldizkarian: A.E.-rena eta Egunerokoan datorrena manifestarioaren ondoko liskarren gainean.

 

 

 

Zer gertatu zen Lekeition guk ez genuen ikusi, Bilbon geunden handik ezin irten ezinik. Ondo gogoratzen dugu zenbat egur eman ziguten bakearen izenean.

 

 

Espainiako Barne ministerioak indar gehiago metatu zuen Bilbon, zer gerta ere. Jakina, egurra banatzen hasi ziren ezer gertatzen ez zen tokian eta unean, eta orduan bai, zer gerta hura gertatu zen. Teknika zaharra. Lekeition, 1976ko Antzar egunaren gauean bizi izan genuen: grisak zain izan ziren herri inguruan gertatu beharreko hura noiz gertatuko eta herrian su batean sartzeko. Jokabidea Ertzainek errepikatu zuten 2009an.

Pena bat Egin-en hemeroteka ez egotea sarean. Eta Sustraia-rik ez da Bizi gaitezen bakean gisako artikulu asmo onez beteak idazteko.

 

 

 

 Aldizkaria ikusi eta jaisteko, egin klik hemen: Sustraia 8, kaleratutakoa

 Aldizkaria ikusi eta jaisteko, egin klik hemen: Sustraia 8, originala