Udala eta udal hauteskundeak 1983, III

Hauteskunde hauetan, Herri Batasuna borrokalari agertu zen, eta hainbat dokumentu-proposamen argitaratu zituzten. Hasteko, udaletarako udal egitarau orokor bat argitaratu zuten: hauteskundeetan parte hartzean gogoan izan beharrekoak, udalak kudeatzean bermatu beharreko helburuak eta zer hutsune ikusten zituzten betebeharreko ordura arteko udal egituretan.

 

 

 

 

Programa ikusi eta jaisteko, egin klik hemen: Herri Batasuna, udal egitaraua 1983

 

 

 

 

 

Udala eta udal hauteskundeak 1983, II

Hauteskundeak baino egun gutxi batzuk lehenago, Eusko Alderdi Jeltzaleak eskuorri bat zabaldu zuen herrian －goizetan lurretik jaso behar ez zen haietakoa－ aurreko legegintzaldian berari esker zer egin zen eta zer lortu zen kontatzen.

 

 

 

 

Eskuorria ikusi eta jaisteko, egin klik hemen: Lekeitio EAJren agerpena

kaleratuko zuen besterik ere, baina, zoritxarrez, ez ditugu.

 

Udala eta udal hauteskundeak 1983,  I

 

1983rako, Herri Kandidatura deseginda zegoen. Euskadiko Ezkerrrak hauteskundeak egin eta gutxira utzi zuen koalizioa. Denbora batera, Paul Seijok lehenengo eta Jose Antonio Aranburuk gero, utzi egin zuten zinegotzi ardura eta haien ordez Enrike Iturriagagoitia eta Aitor Laka sartu ziren. Zuzendaritza batzordea Jakintza liburutegia egondako lokalean batzen zen, baina azken urte eta erdian bost pertsona baino ez ziren batzen: Jose Antonio Aranburu, Zorione Aboitiz, Bego Zugadi, Enrike Iturriagagoitia eta Sabin Madariaga. Saneamentuaren kontrako borroka han abiatu zen, baina, bestela, ez zegoen zer zuzendu askorik. Han hartu zuten Lekeition Herri Batasunako mahia sortzeko erabakia.

  

Eta, hala, 1983ko udal hauteskundeetan hiru hautagaitza izan genituen Lekeition.

 

Datuak hauteskunde-batzorde zentralaren webgunetik hartu ditugu (gorriz hautatuak):

Eusko Alderdi Jeltzalea

1 Javier Chacartegui Cendoya

2 Alejandro Zarragoitia Guezuraga

3 Juan Cenarruzabeitia Basterrechea

4 María Teresa Gabiola Alcíbar

5 Amparo Segura Letona

6 Antonio Goitia Goicoechea


7 María Jesús Santamaría Larreátegui

$ Antonio Gabiola Odria


9 Miren Jajone Arrasate Anacabe

10 Modesto Robles Zabala


1 Imanol Erquiaga Marqués


12 Miren Karmele Aburruza Gojénola

13 Josu Imanol Erquiaga Laca

 

Herri Batasuna

1 María Elvira Eiguren Goitia

2 Carmelo Anacabe Ansuátegui

3 lñaki Uriarte Arana


4 Jon Achurra Egurrola


5 Sabino Madariaga Malaxechevarria


6 José Angel Olabarriaga Maguregui


7 Aitor Abóitiz Erquiaga


8 José Manuel Arrizabalaga Mendiguren

9 Juan José Arámbarri Echevarría

10 Jesús Goyenechea Gorostidi


11 Miren Izurieta Abóitiz

12 Juan Luis Nachiondo Arrizubieta

13 Josu Callejo Luque

 

Euskadiko Ezkerra

1 Carlos Salinas Solano

2 Juan María Gorostiza Vizcarra

3 Jesús Martín Míguez

4 María Jesús Astoreca Elorriaga

5 Manuel Endeiza Bilbao

6
 María Sánchez Romero


7 Miren Anzola Alday

8
 Severo Manzano Gómez

9 Ana Laucirica Zubillaga


10 Carlos Ibarra Abóitiz


11 María Carmen Cortazar Lapeira

12 Miren Josune Laca Güenaga

13 Alejandro Elorza Idígoras 

 

Datuok digitalizatu ditugunean, gure programa informatikoak akats bat egin digu zenbaketetako batean. Oraindik ere barreari ezin eutsita gaude, eta bere horretan uztea pentsatu dugu.

 

Udala eta udal hauteskundeak 1979, eta VII

Hauteskunde haietan izan zen hautagaitzarik aurkeztu ez zuen erakunderik. Batek, batez ere batek, bere presentzia nabarmendu nahi izan zuen eta hauteskundeotan eragin. Haren ekarpena lurretik jaso genuen goiz batean etxe aurreko losan. Ekarpen klase haiek gauez zabaltzen ziren eta goizean goiz jaso behar izaten ziren, eguerdirako bakarra ere ez zelako geratzen lurrean.

 

 

Gutuna ikusi eta jaisteko, egin klik hemen: Euskal Herriari ETAren gutuna

 

Udala eta udal hauteskundeak 1979, VI

Izana. Izena. Izanik ez baina izena bai sasoi hartan gure kaleetan.

Beldurra ez zen izen huts Franco hil osteko urte haietan. Irakurri, irakurri eskuorri hau. Udal demokratiko batek idatzitakoa da, kaleen jatorrizko izenak berreskuratzearen gainekoa. Ha zelako prosa, ha zelako lexikoa. Antologikoa, txo/potxua! idatzi egin behar da, e!

 

LA CORPORACION MUNICIPAL, al vecindario

(Ondo hasi ziren kontuak: udala letra larriz eta herritatrrak xehez)

Como no podia menos de suceder, vuelven las aguas a sus cauces normales. Nos referimos, claro está, a las nomincaiones de las calles, a las que por motivos derivados de la pasada contienda civil entre humanos, al entrar en el escenario leketiano las tropas de Mola, se cambiaron, como no, los nombres de ciertas calles, rebautizandolas nuevamente con otras nominaciones más acoredees con la politica de su fracción.

Nork demontre idatzi ote zuen perla hori? Kosta egiten zaigu sinestea, beldurrak beldur, Xabier Txakartegik edo Joa Antonio Aranburu Natxik halakorik idaztea.  

Ez dakigu, bada, LA CORPORACION MUNICIPAL etereo horren azpian zer eskribau dagoen. Aurkituko ote dute 400 urte barru gure kontuak zertan ziren galdez arituko dire historiagileek? Euskarazko bertsioak ematen digu pistarik: UDALETXEAK berak idatzi zuen, antza! Jakina da, pertsonak joan egiten dira (hautatu eta hautagai ausart haietako askotxo joan dira) eta eraikinek hor segitzen dute (gureak, berrituta bada ere, tente segizten du, bere lekuan, zirkinik ere egin barik).

 

Egunkariko orrialdea ikusi eta jaisteko, egin klik hemen: LEKEITIOKO UDALETXEAK, hauzokideei

Sasoi horretakoa da Beascocalea zenari Beheko kalea jartzeko erabakia ere. Eskerrak Oier Gorosabelen ekinak jatorrizko izena berreskuratu duen: Beaskokalea (Bixkokalia Leketioko berbetan). Orain, antza denez, izen ofizial bi izango ditu: Beaskokalea (Bixkokalia) eta Beheko kalea (Bekokalia).

 

Udala eta udal hauteskundeak 1979, V

Lequeitiotik Lekeitiora

Izana. Izena. Batak bestea ei dakar. Sasoi batean, gure izanak okerreko izena zuen, eta okerrekoak ziren herriko hainbat jardun: denok egiten genuan euskaraz eta administrazioaren zerbitzu publiko guztiak gaztelaniaz ziren.

Orduan, lehenengo udal demokratikoak bidezko izena berreskuratzea erabaki zuen. 1981 zen, eta ez zen izan nahikoa herritarron borondatea, goragoko erakundeek eman behar izan zuten oniritzia.

 

Egunkariko orrialdea ikusi eta jaisteko, egin klik hemen: Lequeitiotik Lekeitiora, egunkariko berria

 

Harrezkero, joan dira joan 44 urte, eta beldur gara ez ote garen kontrako bidean, Lekeitiotik Lequeitiorako bidean.

 

Udala eta udal hauteskundeak 1979, IV

Kultura garrantzitsua da, eta jakinda kultur eragileak zaindu egin behar direla, 1979ko hauteskundeetatik sortutako udalak proposamen bat zabaldu zuen herriko kultur taldeen artean, zehazteko nola egin behar zen lan udaletik eta zer landu behar zen. Interesgarria da jakiteko zer zegoen une hartan herrian eta zeintzuk ziren ardurak. 

Eta interesgarria da elkarren arteko lana sustatu nahi duelako, sarritan faltan izan dugun jokabidea. 

Esaterako, aurten. Herriko Musika bandarekin. Titulua gora, aurrekontua behera, udalak eskumen osoa dauka horiek balioesteko, eta ez gara horretan sartuko.

Hortik aurrerakoa ez da harro egoteko modukoa. Gu behintzat ez gaude harro, ez geure buruarekin, ez herriko hainbat eragileren jokabidearekin. Kulturako pertsona batzuek goratu dute egindako lana, baina inguruan ez dugu inor entzun, ezta somatu ere, ozen esaten ―bat edo beste ahapeka bai―  zer gertatu den: egun argitan baina marmo kaperen azpian, Ku-Klux-Klan biziberritua bagina bezala, herriko plazan lintxatu dugu zuzendaria, eta haren ezker-eskuma inguruko konplizeak. Jo zuen baten batek turuta, eta han joan ginen haren atzetik itsumustuan.

Dokumentu honek beste modu batzuk erakutsi eta proposatzen ditu. Itxura batean, ahaztu eta lohietara bota ditugu. Bejon daigula.

 

Eskuorria ikusi eta jaisteko, egin klik hemen: Kultura batzordetik lanerako proposamena 1979